મુંબઈ પોલીસના એન્ટી નાર્કોટિક્સ સેલની બાન્દ્રા યુનિટે નશાના કારોબાર સામે મોટી કાર્યવાહી હાથ ધરી છે. પોલીસની ટીમે જોગેશ્વરી વિસ્તારમાંથી 23 વર્ષીય મોહમ્મદ કાસિફ ફારૂખ શેખ નામના યુવકની ધરપકડ કરી છે, જેની પાસેથી આંતરરાષ્ટ્રીય બજારમાં અંદાજે 1 કરોડ 11 લાખ 30 હજાર રૂપિયાની કિંમતનું 1 કિલો 113 ગ્રામ શુદ્ધ ચરસ જપ્ત કરવામાં આવ્યું. આ કાર્યવાહીથી ડ્રગ્સ માફિયાઓમાં ફફડાટ ફેલાઈ ગયો છે.
પોલીસ સૂત્રોના જણાવ્યા અનુસાર, 13 ઓક્ટોબર 2026ની રાત્રે આશરે 11:30 વાગ્યે એન્ટી નાર્કોટિક્સ સેલની ટીમ એસ.વી. રોડ પર જોગેશ્વરી બસ ડેપો પાસે પેટ્રોલિંગ કરી રહી હતી. તે દરમિયાન મેક કેફેની સામે એક શંકાસ્પદ યુવક શંકાસ્પદ હાલતમાં મળી આવ્યો હતો. પોલીસે તાત્કાલિક કાર્યવાહી કરીને તેને કસ્ટડીમાં લીધો અને તેની તલાશી લીધી હતી.
તલાશી દરમિયાન પકડાયેલા આરોપી પાસેથી 1 કિલો 113 ગ્રામ શુદ્ધ ચરસ મળી આવ્યું હતું. આ જપ્ત કરાયેલા નશીલા પદાર્થની આંતરરાષ્ટ્રીય બજારમાં અંદાજિત કિંમત 1 કરોડ 11 લાખ 30 હજાર રૂપિયા હોવાનું અનુમાન છે. આરોપીની ઓળખ મુંબઈના માઝગાંવ સ્થિત ઘોડપદેવના મોદી કમ્પાઉન્ડમાં રહેતા 23 વર્ષીય મોહમ્મદ કાસિફ ફારૂખ શેખ તરીકે થઈ છે.
પોલીસે આરોપી વિરુદ્ધ NDPS એક્ટ હેઠળ ગુનો નોંધીને ધરપકડ કરી લીધી છે. આ ડ્રગ્સનો જથ્થો ક્યાંથી લાવવામાં આવ્યો હતો અને ક્યાં પહોંચાડવાનો હતો તે અંગે પોલીસ ઝીણવટભરી તપાસ ચલાવી રહી છે. આ નેટવર્ક સાથે જોડાયેલા અન્ય મોટા નામો પણ ટૂંક સમયમાં પોલીસના સળિયા પાછળ આવી શકે છે.
