ગુજરાતની સ્થાનિક સ્વરાજ્યની ચૂંટણીના પરિણામોએ રાજ્યના રાજકીય ઇતિહાસમાં એક નવો અધ્યાય લખ્યો છે. 26 એપ્રિલ, 2026ના રોજ યોજાયેલા 57% મતદાન બાદ આજે 28 એપ્રિલે જાહેર થયેલા આંકડાઓએ સાબિત કરી દીધું છે કે ગુજરાતમાં ભાજપનો દબદબો યથાવત છે. રાજ્યની તમામ 15 મહાનગરપાલિકાઓ, 84 નગરપાલિકાઓ, 34 જિલ્લા પંચાયતો અને 260 તાલુકા પંચાયતોની કુલ 10,005 બેઠકો પર યોજાયેલી આ ચૂંટણીમાં ભાજપે વિરોધ પક્ષોના સૂપડા સાફ કરી નાખ્યા છે.
અમદાવાદ મહાનગરપાલિકા વિજેતા ઉમેદવારોની યાદી
વોર્ડ નં. અને નામવિજેતા ઉમેદવારોના નામવોર્ડ-1 ગોતા
હિનાબેન પટેલ, પાયલબેન પટેલ, વિષ્ણુભાઈ પ્રજાપતિ, કેતનકુમાર પટેલ
વોર્ડ-2 ચાંદલોડિયા
ડો. બિંદુબેન કુકડીયા, રાજેશ્રીબેન પટેલ, ભુપેન્દ્રભાઈ પંચાલ, નંદુભાઈ પટેલ
વોર્ડ-3 ચાંદખેડા
પાયલબેન મોહનિયા, રીટાબેન પટેલ, યશકુમાર જાદવ, અતુલ મિશ્રા
વોર્ડ-4 સાબરમતી
ખુશબુબેન પરમાર, અંજુબેન શાહ, નીરજ ગજ્જર, ચેતનભાઈ પટેલ
વોર્ડ-5 રાણીપ
ભાવિ પંચાલ, વર્ષાબેન પટેલ, ભાવિનકુમાર પટેલ, મહેશભાઈ પટેલ
વોર્ડ-6 નવા વાડજ
નિધિ વાઘેલા, અનિતાબેન પટેલ, રાજેશભાઈ પટેલ, વિરાટ પુરોહિત
વોર્ડ-7 ઘાટલોડિયા
જાગૃતિબેન પંડ્યા, રીન્કુ પટેલ, મયુર ગોહિલ, પ્રવિણભાઈ પટેલ
વોર્ડ-8 થલતેજ
રીતાબેન ઠાકોર (બિનહરીફ), દેવળબેન પટેલ, અલ્પેશ મકવાણા, હિતેશભાઈ બારોટ
વોર્ડ-9 નારણપુરા
કનકબેન નકુમ, પૂર્વિકાબેન પટેલ, અમિત પરમાર, દર્શન શાહ
વોર્ડ-10 સ્ટેડિયમ
વર્ષાબેન સોલંકી, દીપલબેન પટેલ, જીતેન્દ્ર ખરચિયા, રાકેશ પરીખ
વોર્ડ-11 સરદાર નગર
મંજુલાબેન ચૌહાણ, ડીમ્પલબેન વરીન્દ્રાની, ચંદ્રપ્રકાશ ખાનચંદાની, કમલેશભાઈ પટેલ
વોર્ડ-12 નરોડા
દિવ્યા ખાખી, ડો. ચંદાબેન પટેલ, જયેશભાઈ પ્રજાપતિ, વિપુલભાઈ પટેલ
વોર્ડ-13 સૈજપુર
ભાવનાબેન રબારી, વિનોદકુમારી ચૌધરી, બળદેવભાઈ રાઠોડ, અંકિતભાઈ પટેલ
વોર્ડ-14 કુબેરનગર
આરતીબેન પટણી, કામિનીદેવી ઝા, ઉમેદસિંગ યાદવ, કલ્પનાબેન કોડેકર
વોર્ડ-15 અસારવા
અનસૂયા પટેલ, સુમનબેન રાજપુત, ગિરીશભાઈ વણઝારા, દશરથભાઈ પટણી
વોર્ડ-16 શાહીબાગ
હિનાબેન પરમાર, માયાબેન જૈન, જસુભાઈ ઠાકોર, રાજુભાઈ પટેલ
વોર્ડ-17 શાહપુર
રશ્મિબેન શાહ, રેખાબેન ચૌહાણ, જીતેન્દ્રકુમાર ચૌહાણ, હિતેન્દ્રભાઈ પરમાર
વોર્ડ-18 નવરંગપુરા
આશાબેન બ્રહ્મભટ્ટ, એકતાબેન રાવલ, રિતેશ દુધિયા, હેમંત કાબરા
વોર્ડ-19 બોડકદેવ
પાઉલબેન મકવાણા, ભાવનાબેન પટેલ, ધરમસીભાઈ દેસાઈ, દેવાંગ દાણી
વોર્ડ-20 જોધપુર
ભારતીબેન ગોહિલ, નયનાબેન કોટક, ભાગ્યેશ પટેલ, વિનોદચંદ્ર પટેલ
વોર્ડ-21 દરિયાપુર
મોનાબેન પ્રજાપતિ, સમીરા શેખ, ઇમ્તિયાઝહુસેન શેખ, નિરવ બક્ષી
વોર્ડ-22 ઇન્ડિયા કોલોની
મનીષાબેન તીર્થરાજ, જાનહ્વી લુણાગરીયા, ઘનશ્યામભાઈ બારોટ, પંકજભાઈ પટેલ
વોર્ડ-23 ઠક્કરબાપાનગર
શ્વેતાલીબેન પટેલ, રૂપાદેવી જાદવ, રણજીતસિંહ વાળા, જયેશભાઈ પટેલ
વોર્ડ-24 નિકોલ
નીતાબેન પટેલ, વિલાસબેન દેસાઈ, દિપકભાઈ પંચાલ, પારેશભાઈ લાખાણી
વોર્ડ-25 વિરાટનગર
ચેતનાબેન સથવારા, સંગીતાબેન પટેલ, મુકેશભાઈ પટેલ, મનિષકુમાર માટલીયા
વોર્ડ-26 બાપુનગર
જયશ્રીબેન દાસરી, જાગૃતિબેન પરમાર, જયમન શર્મા, જયેન્દ્રસિંહ સેંગર
વોર્ડ-27 સરસપુર
અર્ચનાબેન મકવાણા, ચંદ્રિકાબેન પટેલ, ચિરાગ ઠાકોર, રાજકુમાર રાજપુત
વોર્ડ-28 ખાડિયા
મીનાબેન નાયક, બીરજુબેન ઠક્કર, ધ્રુવકુમાર કલાપી, ઇલયાસ ખાન
વોર્ડ-29 જમાલપુર
નાઝનીનબાનુ ઠાકોર, સાનીયા પઠાણ, ફૈઝમોહમ્મદ મારફતીયા, મુસ્તાક ખાદીવાલા
વોર્ડ-30 પાલડી
ક્રાંતિ ગાંધી, ચેતનાબેન પટેલ, દશરથભાઈ ઠાકોર, જૈનિક વકીલ
વોર્ડ-36 દાણીલીમડા
તસલીમબાનુ મકરાણી, હીના પરમાર, મનોજભાઈ રેવર, શેહઝાદખાન પઠાણ
વોર્ડ-37 મણિનગર
નિમીતાબેન દેસાઈ, પલકબેન પટેલ, નટવરભાઈ ગોસ્વામી, વિપુલભાઈ સેવક
વોર્ડ-38 ગોમતીપુર
મિનાઝબેન ઘાંચી, ફિરોઝાબાનુ સંધિ, દેવેન્દ્રકુમાર વિસનગરી, ઝુલ્ફીકારખાન પઠાણ
વોર્ડ-39 અમરાઈવાડી
રેખાબેન દેસાઈ, શિતલબેન શર્મા, ડો. રાકેશભાઈ સક્સેના, તેજેન્દ્રરામ ચૌહાણ
વોર્ડ-40 ઓઢવ
નીતાબેન દેસાઈ, મીનુબેન ઠાકુર, જીગર પટેલ, રાજેન્દ્ર જાની
વોર્ડ-41 વસ્ત્રાલ
ગૌરીબેન પરમાર, જ્યોત્સનાબેન પટેલ, મીતકુમાર પ્રજાપતિ, પરેશભાઈ પટેલ
વોર્ડ-42 ઇન્દ્રપુરી
રમિલાબેન પ્રજાપતિ, દર્શનાબેન રાવલ, કિર્તીભાઈ પટેલ, કૌશિકભાઈ પટેલ
વોર્ડ-43 ભાઈપુરા
નૈઋતીબેન ચૌધરી, આશાબેન પટેલ, હર્ષદભાઈ પરમાર, રાકેશકુમાર પટેલ
વોર્ડ-44 ખોખરા
ડો. જયમીનબેન દવે, સોનલબા સરવૈયા, નયનકુમાર બ્રહ્મભટ્ટ, કમલેશભાઈ પટેલ
વોર્ડ-45 ઇસનપુર
વિંકલબેન વ્યાસ, વૈશાલીબેન પટેલ, જીગરભાઈ બારૈયા, મૌલીકભાઈ પટેલ
વોર્ડ-46 લાંભા
ડો. ચાંદનીબેન પટેલ, અંજુબેન ઠાકોર, રાહુલભાઈ ભરવાડ, ચંદ્રકાંતભાઈ જોષી
વોર્ડ-47 વટવા
ભાવનાબેન સોલંકી, નિર્મલાબેન પાંડે, સંજયભાઈ સથવારા, પ્રતિકભાઈ પટેલ
વોર્ડ-48 રામોલ
સોનલબેન રબારી, રૂપલબેન ભટ્ટ, રૂકમેશકુમાર ચૌહાણ, મૌલિકભાઈ પટેલ
15 મહાનગરપાલિકાઓનું ચિત્ર: ભાજપની ઐતિહાસિક 'ક્લીન સ્વીપ'
ગુજરાતના શહેરી વિસ્તારોમાં ભાજપે પોતાનો દબદબો જાળવી રાખ્યો છે. 6 જૂની અને 9 નવી મહાનગરપાલિકાઓ મળીને તમામ 15 મનપામાં ભાજપે ભગવો લહેરાવ્યો છે.
અમદાવાદ મનપા: કુલ 192 બેઠકોમાંથી ભાજપે 160 બેઠકો જીતી છે, જ્યારે કોંગ્રેસને માત્ર 32 બેઠકો મળી છે. જોકે, ભાજપના ગઢ ગણાતા ખાડિયા વોર્ડમાં કોંગ્રેસની આખી પેનલનો વિજય થવો એ સૌથી મોટો ઉલટફેર માનવામાં આવે છે.
સુરત મનપા: સુરતમાં ભાજપે પ્રથમવાર 100નો આંકડો વટાવતા 115 બેઠકો જીતી છે. અહીં 'આપ' ના પ્રદેશ મહામંત્રી મનોજ સોરઠિયાની હાર થઈ છે.
રાજકોટ અને જામનગર: રાજકોટમાં ભાજપે 65 બેઠકો જીતી છે. જામનગરમાં ભાજપના 3 મુસ્લિમ ઉમેદવારો વિજયી બન્યા છે, જે એક મહત્વની ઘટના છે.
મોરબી મનપા: મોરબીમાં ભાજપે એવી જીત મેળવી છે કે વિપક્ષનું ખાતું પણ ખૂલવા દીધું નથી.
મનપા બેઠકોનું આંકડાકીય વિશ્લેષણ:
કુલ 1044 બેઠકોમાંથી ભાજપે 937, કોંગ્રેસે 95 અને અન્યએ 12 બેઠકો મેળવી છે.
જિલ્લા પંચાયત: બોટાદ અને પોરબંદરમાં વિપક્ષ શૂન્ય
જિલ્લા પંચાયત સ્તરે ભાજપે અનેક બેઠકો પર ઐતિહાસિક ક્લીન સ્વીપ કર્યું છે. કુલ 1090 બેઠકોમાંથી ભાજપે 890 બેઠકો જીતીને સ્પષ્ટ બહુમતી મેળવી છે.
બોટાદ: તમામ 20 બેઠકો પર ભાજપનો વિજય થયો છે.
પોરબંદર: 18માંથી 16 બેઠકો પર ભાજપે કબજો કર્યો છે (2 બિનહરીફ સહિત).
રાજકોટ: 36માંથી 34 બેઠકો પર ભાજપની જીત થઈ છે. અહીં મોવિયા બેઠક પર ભાજપના દિગ્ગજ નેતા રાજુભાઈ ડાંગરનો પરાજય થયો છે.
બનાસકાંઠા: જિલ્લા પંચાયતની 25 બેઠકો જીતી ભાજપે કબજો મેળવ્યો છે, જ્યારે કોંગ્રેસને 11 બેઠકો મળી છે.
ખાસ પરિણામ: સાબરકાંઠા (28 બેઠક), સુરેન્દ્રનગર (31 બેઠક) અને અમરેલી (31 બેઠક) સાથે ભાજપે એકહથ્થુ શાસન સ્થાપ્યું છે.
નર્મદામાં આમ આદમી પાર્ટીનો જાદુ
જ્યારે આખા રાજ્યમાં ભાજપની લહેર હતી, ત્યારે નર્મદા જિલ્લાએ આશ્ચર્યજનક પરિણામો આપ્યા છે. નર્મદા જિલ્લા પંચાયતની કુલ 22 બેઠકોમાંથી આમ આદમી પાર્ટી (AAP) એ 15 બેઠકો પર ભવ્ય વિજય મેળવીને સત્તા હાંસલ કરી છે. ભાજપ માત્ર 7 બેઠકો પર સમેટાઈ ગયું છે. 'આપ' એ કેવડિયા, ડેડીયાપાડા અને સાગબારા જેવી મહત્વની બેઠકો પર કબજો જમાવ્યો છે.
તાલુકા પંચાયત: ગ્રામીણ સ્તરે ભાજપનું વાવાઝોડું
રાજ્યની 260 તાલુકા પંચાયતોની 5234 બેઠકોમાંથી ભાજપે 3422 બેઠકો પર વિજય મેળવ્યો છે. ચૂંટણી પૂર્વે જ ભાજપે 252 બેઠકો બિનહરીફ જીતીને રેકોર્ડ બનાવ્યો હતો.
અમરેલી: અમરેલી તાલુકા પંચાયતમાં 18માંથી 16 બેઠકો ભાજપે જીતી છે. જોકે, અહીં લોકસાહિત્યકાર માયાભાઈ આહીરની પુત્રી સોનલબેન અને તેમના ગામ બોરડામાં ભાજપની હાર થઈ છે.
તાપી અને તાલાલા: તાપીમાં ભાજપે 73 અને કોંગ્રેસે 55 બેઠકો મેળવી છે. ગીર સોમનાથના ઉનામાં ભાજપે 26માંથી 20 બેઠકો જીતી છે.
ટાઈની સ્થિતિ: જૂનાગઢ તાલુકા પંચાયત (9-9 બેઠક) અને છોટા ઉદેપુર તાલુકા પંચાયત (13-13 બેઠક) માં ભાજપ અને આપ વચ્ચે ટાઈ થઈ છે, જે સત્તા મેળવવા માટે નવા સમીકરણો રચશે.
મહત્વના હાઈલાઈટ્સ અને અપસેટ
બિનહરીફ બેઠકો: ભાજપે 700થી વધુ બેઠકો (મનપા, નગરપાલિકા અને પંચાયત મળીને) મતદાન પહેલા જ બિનહરીફ જીતી લીધી હતી.
પૂર્વ IPSની હાર: અરવલ્લીની ઓડ જિલ્લા પંચાયત બેઠક પર ભાજપના ઉમેદવાર અને પૂર્વ IPS મનોજ નિનામાની 2700 મતોથી હાર થઈ છે.
પૂર્વ ધારાસભ્યની હાર: આપ છોડીને ભાજપમાં જોડાયેલા ભૂપત ભાયાણી ભેંસાણ બેઠક પરથી 1700 મતોથી હાર્યા છે.
એક મતે જીત: ભરૂચની પાલેજ તાલુકા પંચાયત બેઠક પર કોંગ્રેસના ઉમેદવાર મોહસિન પઠાણ માત્ર 1 મતના અંતરથી વિજયી થયા છે.
ચિઠ્ઠી ઉછાળતા જીત: કેશોદની મોટી ઘંસારી બેઠક પર ભાજપ-આપ વચ્ચે ટાઈ થતા ચિઠ્ઠી ઉછાળવામાં આવી હતી, જેમાં આપના ઉમેદવાર વિજેતા જાહેર થયા હતા.
આ પરિણામોમાં કોંગ્રેસે પાટણ, બનાસકાંઠા અને તાપીમાં થોડી લડત આપી છે, પરંતુ સત્તા મેળવવામાં નિષ્ફળ રહી છે. બીજી તરફ આમ આદમી પાર્ટીએ સૌરાષ્ટ્ર અને આદિવાસી પટ્ટામાં પોતાની હાજરી મજબૂત બનાવી છે. ગ્રામીણ વિસ્તારોમાં રસાકસી હોવા છતાં, શહેરી મતોના ધ્રુવીકરણને કારણે ભાજપ તમામ 15 મહાનગરપાલિકાઓ જાળવી રાખવામાં સફળ રહ્યું છે. 21 એપ્રિલે યુદ્ધવિરામ પૂર્ણ થવાના સમાચાર વચ્ચે આવેલી આ ચૂંટણીના પરિણામોએ રાજ્યમાં ભાજપની સંગઠન શક્તિ અને 'નવા રોટેશન' ના અમલની સફળતા દર્શાવી છે.
